Britt Ekland | |
![]() | |
Geboortenaam | Britt-Marie Ekland |
---|---|
Geboorte | 6 Oktober 1942 Stockholm, Swede |
Nasionaliteit | Sweeds |
Beroep(e) | Aktrise |
Internet-rolprentdatabasis-profiel |
Britt-Marie (Britt) Ekland (Stockholm, 6 Oktober 1942) is 'n Sweedse aktrise. Sy is veral bekend vir haar rolle in The Night They Raided Minsky's, Baxter!, The Double Man, Get Carter, The Wicker Man en The Man with the Golden Gun.
Ekland is in Swede gebore, maar verhuis later na Engeland waar sy beroemd word vir haar huwelik met Peter Sellers in 1964. In 1965 kry hulle 'n dogter, Victoria. Hulle het drie rolprente gemaak voordat hulle in 1968 geskei is. Daarna het sy 'n aantal verhoudings met bekende figure gehad, soos Rod Stewart en Phil Lewis. In 1973 kry sy 'n seun, Nicholai van Lou Adler. Sy trou later 'n tweede keer met Slim Jim Phantom, by wie sy nog 'n seun, Thomas Jefferson (1988) kry.
Sy speel die rol van 'n blondine in die James Bond-film, The Man with the Golden Gun (1974). Sy het ook 'n oudisie gedoen om as 'n blondine in die eerste Bond-film, "Dr. No" (1962) te speel, maar die rol is uiteindelik aan Ursula Andress toegeken.
Ekland is fiksheid-bewus en skryf in 1984 'n boek oor die onderwerp. In 1992 het sy 'n video oor fiksheid gemaak.